| സി.പി.എം. ജില്ലാ സെക്രട്ടറി എം.എം. മണിക്കെതിരേ പോലീസില് മൊഴി കൊടുത്ത പി.എന്. മോഹന്ദാസിനു പോലീസ് സംരക്ഷണം നല്കണമെന്നു പാര്ട്ടി ഇടുക്കി ജില്ലാ കമ്മിറ്റി. അഞ്ചേരി ബേബി വധവുമായി ബന്ധപ്പെട്ട് രജിസ്റ്റര് ചെയ്ത കേസിലാണു മോഹന്ദാസ് മണിക്കെതിരേ രാജാക്കാട് പോലീസില് മൊഴി നല്കിയത്. മോഹന്ദാസിന്റെ ജീവനു ഭീഷണിയുണ്ടാകാമെന്നും അതിനാല് പോലീസ് സംരക്ഷണം നല്കണമെന്നും എം.എം. മണിയുടെ പ്രസ്താവനയില് അഭ്യര്ഥിക്കുന്നു. ടി.പി. ചന്ദ്രശേഖരന് വധവുമായി ബന്ധപ്പെട്ട് സി.പി.എമ്മിനെതിരേ ഉയര്ന്ന ആക്ഷേപങ്ങള് കണക്കിലെടുത്താണ് ഈ അഭ്യര്ഥനയെന്നു ജില്ലാ പോലീസ് മേധാവിക്കയച്ച ഫാക്സ് സന്ദേശത്തില് മണി വിശദീകരിച്ചു. അതേസമയം, പാര്ട്ടിക്കെതിരേ മൊഴി നല്കിയ മോഹന്ദാസിനും ഇനി കൊടുക്കാനിരിക്കുന്നവര്ക്കുമുള്ള പരോക്ഷ താക്കീതാണു സി.പി.എം. സൗമ്യമായ ഭാഷയില് നല്കിയതെന്നും വിലയിരുത്തപ്പെടുന്നു. മോഹന്ദാസിന് എന്തെങ്കിലും സംഭവിച്ചാല് പാര്ട്ടിയെ കുറ്റപ്പെടുത്തരുതെന്നാണത്രേ ഈ 'മുന്കൂര്ജാമ്യ'ത്തിന്റെ വ്യംഗ്യം. ബേബി വധക്കേസില് അന്വേഷണസംഘം സാക്ഷിയാക്കാന് ശ്രമിക്കുന്നതു മുന് സി.പി.എമ്മുകാരെയാണ്. മണിക്കെതിരേ മൊഴി കൊടുത്ത മുന് ലോക്കല് സെക്രട്ടറി മോഹന്ദാസ് ഇപ്പോള് ബി.എം.എസ്. പ്രവര്ത്തകനാണ്. |
Thursday, June 7, 2012
മണി പോലീസിനോട്: മൊഴി നല്കിയ മോഹന്ദാസിനെ കാത്തോണേ...!
Subscribe to:
Post Comments (Atom)
No comments:
Post a Comment